"Zein soineko jantziko dut?" galdetu ostean,

 

"gorria" erantzun diozu . 

Xarmant dago,

begira diharduzu...

Ilea, sorbalda erdia igurtziz utzi dut albo batean.

Eder dago,

begira diharduzu...

Hanka luzeak dakusazu, erotismoaren oinarriak.

Lirain dago,

begira diharduzu...

***

Baina atzera begiratzearekin batera eskuak alde egin dizu,

Beldurturik dago,

oihuka diharduzu...

Aurpegia laztandu beharrean ZIRT-ZART berotu duzu..

Negarrez ari da,

oihuka diharduzu.

Sorbalda erdia laztantzen zion iletik tira egin diozu.

Erregutzen ari da,

oihuka diharduzu...

Etxetik irten zara, eta lasai zoaz...