Lainoek, damu, agur diote.

Murrungaz busti dituen arima tristeen erruki,

agian, eguzkiak poztuko dituen esperantzan, bere txandari "adio" esanaz.

Laino haiek ez dakite, ordea, arima tristeak bustitzeaz gain badutela beste zereginik.

Milaka lili polliti begiak ireki baitizkie, 

ortzia erreparatzen utzi, lurra kolorez jantzi.

Gaur malkoak isuriko dituen lainorik gabe,

argitzen duten eguzki printzeak ezertarako ez baitira, 

desertu hits bat sortzeko baizik.